8-வது புரோ கபடி லீக் போட்டியில் நேற்றிரவு நடந்த லீக் ஆட்டத்தில் ஹரியானா ஸ்டீலர்ஸ்-யு மும்பா மோதிய ஆட்டம் சமனில் முடிந்தது.
12-அணிகள் பங்கேற்கும் 8-வது புரோ கபடி லீக் போட்டி பெங்களூரில் நடைபெற்று வருகிறது.இதில் நேற்றிரவு நடந்த லீக் ஆட்டத்தில் ஹரியானா ஸ்டீலர்ஸ்-யு மும்பா அணிகள் பலப்பரீட்சை நடத்தின. இதில் முதல் பாதி ஆட்டத்தில் 10-12 என்ற புள்ளி கணக்கில் ஹரியானா அணி முன்னிலையில் இருந்தது.
இதன் பிறகு 2-வது பாதி ஆட்டத்தில் இரு அணிகளும் போட்டி போட்டுக்கொண்டு புள்ளிகளை குவித்தது. இறுதியாக 24-24 என்ற புள்ளி கணக்கில் போட்டி டிராவில் முடிந்தது. இதில் புள்ளிப் பட்டியலில் ஹரியானா அணி 7-வது இடத்திலும், யு மும்பா அணி 4-வது இடத்திலும் உள்ளது.இதனிடையே இன்று நடைபெறும் ஆட்டத்தில் புனேரி பல்தான் – குஜராத் லயன்ஸ் அணிகள் மோதுகின்றன.