பிரிட்டன் அரச குடும்பத்திலிருந்து பிரிந்து அமெரிக்காவில் குடியேறிய இளவரசர் ஹாரி கடந்த வாரம் மகாராணியாரை இரகசியமாக சந்தித்ததாக தெரிவிக்கப்பட்டிருக்கிறது.
பிரிட்டன் இளவரசர் ஹாரி கடந்த 2014ம் வருடத்தில் போரில் காயமடைந்த ராணுவ வீரர்களுக்கு Invictus Games என்ற ராணுவ போட்டிகளை உருவாக்கியிருக்கிறார். இந்த வருடத்தில் நெதர்லாந்து நாட்டில் இந்த விளையாட்டு போட்டிகள் நடக்கிறது.
அந்தப் போட்டிகளில் கலந்து கொள்வதற்காக நெதர்லாந்து நாட்டிற்கு செல்லும் வழியில் பிரிட்டன் நாட்டின் மகாராணியான தன் பாட்டியை இளவரசர் ஹாரி சந்தித்திருக்கிறார். மகாராணியை சந்தித்ததில் அதிக மகிழ்ச்சியில் இருப்பதாகக் கூறிய அவர் விளையாட்டு வீரர்களுக்காக அவர் வாழ்த்துக்களை தெரிவித்ததாக கூறியிருக்கிறார்.