விக்ரமின் அடுத்த படத்தில் நடிக்கும் பிரபல நடிகையின் தகவல் வெளியாகியுள்ளது.
தமிழ் சினிமாவில் முன்னணி நடிகர்களில் ஒருவரான விக்ரம் பொன்னியின் செல்வன், கோப்ரா ஆகிய படங்களை நடித்து முடித்துள்ளார். இதைத்தொடர்ந்து விக்ரம் அடுத்ததாக கார்த்திக் சுப்புராஜ் இயக்கத்தில் நடிக்க உள்ளார். இப்படத்திற்கு அனிருத் இசை அமைக்கிறார். மேலும் இப்படத்தில் முதல்முறையாக விக்ரமுடன் சேர்ந்து அவரது மகன் துருவ் விக்ரம் நடிக்க உள்ளார்.
இப்படத்தில் இரண்டு கதாநாயகிகள் நடிக்க உள்ளனர். அதில் வாணி போஜன் ஏற்கனவே தேர்வு செய்யப்பட்டிருந்தார். இந்நிலையில் இரண்டாவது நடிகையாக சிம்ரன் ஒப்பந்தமாகியுள்ளார். விக்ரம் நடித்த பிதாமகன் படத்தில் சிம்ரன் ஒரு பாடலுக்கு மட்டுமே நடனம் ஆடி இருந்தார். இப்போது எடுக்கப்படும் படத்தில் சிம்ரனுக்கு முக்கிய கதாபாத்திரம் இருப்பதால் விக்ரம்-சிம்ரன் படத்தை காண ரசிகர்கள் ஆவலுடன் காத்துக் கொண்டிருக்கின்றனர்.