தமிழகம் முழுவதும் பெரும்பாலான மாவட்டங்களில் சில நாட்களாக அரசு சார்பில் காப்பீடு சலுகை அறிமுகப்படுத்தப்பட உள்ளதாக கூறி மக்களின் தகவல்களை பெறுவதும், பணங்களை பெற்று போலியான காப்பீடு அட்டைகளை வழங்குவது என பல முறைகேடு சம்பவங்கள் நடந்து வருவதாக புகார்கள் தொடர்ந்து எழுந்த வண்ணம் இருந்தன.
இந்நிலையில் பணம் பெற்றுக் கொண்டு தரப்படும் போலி காப்பீடு அட்டை களை நம்பி ஏமாற வேண்டாம் என வேலூர் மாவட்ட ஆட்சியர் சண்முகசுந்தரம் தெரிவித்துள்ளார். வேலூர் ஆட்சியர் அலுவலகத்தில் உள்ள மருத்துவ காப்பீடு திட்ட அலுவலகம் மூலம் காப்பீடு அட்டை தரப்படுகிறது.
இதை தவிர, பணம் பெற்றுக் கொண்டு போலி அட்டைகளை வழங்கினால், கடும் நடவடிக்கை எடுக்கப்படும் எனவும் தெரிவிக்கப்பட்டுள்ளது. மேலும் காப்பீடு அட்டை தொடர்பாக பொதுமக்கள் 1800 425 3993 என்ற எண்ணில் புகார் அளிக்கலாம் எனவும் தெரிவிக்கப்பட்டுள்ளது.