நடிகை ஹன்சிகா நடிக்கும் புதிய படம் குறித்த தகவல் வெளியாகி உள்ளது.
தமிழ் சினிமாவில் பல முன்னணி நடிகர்களுடன் நடித்து பிரபல நடிகையாக வலம் வருபவர் ஹன்சிகா. இவர் நடிப்பில் உருவாகியுள்ள ‘மஹா’ திரைப்படத்தின் படப்பிடிப்பு முடிந்துள்ள நிலையில் கூடிய விரைவில் இத்திரைப்படம் வெளியாக உள்ளது. ஹன்சிகாவின் 50-வது திரைப்படமான இப்படத்தில் தமிழ் சினிமாவின் முன்னணி நடிகர் சிம்பு முக்கிய கதாபாத்திரத்தில் நடித்துள்ளார்.
இதை தொடர்ந்து நடிகை ஹன்சிகா அடுத்ததாக நடிக்கவிருக்கும் புதிய படம் குறித்த தகவல் வெளியாகி உள்ளது. அதன்படி தெலுங்கில் உருவாகும் ‘105 மினிட்ஸ்’ எனும் பெயரிடப்பட்டுள்ள இப்படத்தில் ஹன்சிகாவின் ஒரே கதாபாத்திரம் மட்டும் தான் இடம் பெற்றிருக்கும் என தெரியவந்துள்ளது.ராஜா துஷ்ஷா இயக்கும் இப்படம் ஒரே ஷாட்டில் எடுக்க திட்டமிட்டுள்ளனர். இதனால் தெலுங்கு சினிமாவில் ஒரே ஷாட்டில் எடுத்த திரைப்படம் என்ற சாதனையை இப்படம் படைக்கவிருகிறது.