சினிமாவில் பொதுவாக ஒரு படம் ரிலீஸ் ஆகிறது என்றால் அந்த பட ரிலீசுக்கு முன்பாக ப்ரமோஷன் நிகழ்ச்சியில் படக் குழுவினர் தீவிரம் காட்டுவார்கள். அதன் பிறகு பல கோடி செலவு செய்து ப்ரமோஷன் நிகழ்ச்சியை நடத்தினாலும் அதில் சில நடிகைகள் கலந்து கொள்வது கிடையாது. இந்நிலையில் தன்னுடைய பட விளம்பரத்திற்காக ஒரு நடிகை செய்தது பலரையும் வியப்பில் ஆழ்த்தியுள்ளது. அதாவது நடிகை நீரஜா தற்போது மஞ்சக்குருவி என்ற திரைப்படத்தில் கதாநாயகியாக நடித்துள்ளார்.
இந்த படத்தை ரங்கூன் சின்னச்சாமி இயக்கியுள்ளார். இந்த படம் விரைவில் திரைக்கு வர இருக்கும் நிலையில், நடிகை நீரஜா தன்னுடைய படத்தை விளம்பரப்படுத்துவதற்காக தெரு தெருவாக சென்று போஸ்டர் ஒட்டி உள்ளார். இது தொடர்பான புகைப்படங்கள் தற்போது சமூக வலை தளங்களில் வைரலாகி வருகிறது. மேலும் இந்த புகைப்படங்களை பார்த்த ரசிகர்கள் பலரும் நடிகை நீரஜாவுக்கு வாழ்த்துக்களை தெரிவித்து வருகிறார்கள்.