இன்னும் நான்கு நாட்களில் புத்தாண்டு வர உள்ளதால் பல கார் மற்றும் பைக் நிறுவனங்கள் சிறப்பு சலுகைகளை அறிவித்து வருகின்றனர்.
ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம், எஸ்பி 125, ஹார்னெட் 2.0, ஆக்டிவா 6ஜி, கிரேஸியா 125 மற்றும் சிடி 110 ட்ரீம் ஆகிய வாகனங்களுக்கு ரூ.5000 சிறப்பு கேஷ்பேக் சலுகை வழங்கியுள்ளது. இதில் ஆக்டிவா 6 ஜி அனைவருக்கும் பிடித்த வாகனம். இளைஞர்கள் இதனை வாங்க வேண்டும் என்றால் மிகவும் ஆர்வம் காட்டி வருகின்றனர். இதில் 110சிசி இன்ஜின் பொருத்தப்பட்டு, அதிகபட்சமாக 7500 ஆர்பிஎம்-ல் 7.79 hp பவர் மற்றும் 5,250 ஆர்பிஎம்-ல் 8.79 NM டார்க் வழங்கபடுகிறது.
அதே போல் அதிகம் விரும்பப்படும் ஹோண்டா ஹார்னெட் 2.0 பைக்கில் உள்ள 184சிசி ஒற்றை சிலிண்டர் ஏர்கூல்டு PGM-FI HET (Honda Eco Technology) இன்ஜின் 8500 RPM சுழற்சியில் 17.03 ஹெச்பி பவர் மற்றும் 6000 RPM சுழற்சியில் 16.1 என்எம் டார்க் வெளிப்படுத்துகின்றது. 5 வேக கியர்பாக்ஸ் இதில் உள்ளது.
வாடிக்கையாளர்கள் இதை வாங்க விரும்பினால், ஐ.சி.ஐ.சி.ஐ, ஃபெடரல் வங்கி, ஸ்டாண்டர்ட் சார்ட்டர்ட், பாங்க் ஆப் பரோடா மற்றும் யெஸ் வங்கி போன்ற வங்கிகளின் கிரெடிட் அல்லது டெபிட் கார்டு மூலம் வாங்கிக் கொள்ளலாம்.