சூர்யா நடிக்கும் புதிய படம் குறித்த சூப்பர் அப்டேட் ஒன்று வெளியாகியுள்ளது.
தமிழ் சினிமாவில் முன்னணி நடிகராக வலம் வருபவர் சூர்யா. இயக்குனர் பாண்டிராஜ் இயக்கத்தில் இவர் நடிப்பில் சமீபத்தில் வெளியான திரைப்படம் ”எதற்கும் துணிந்தவன்”. இந்த திரைப்படம் ரசிகர்களிடையே நல்ல வரவேற்பை பெற்று வருகிறது. இதனையடுத்து இவர் இயக்குனர் பாலா இயக்கத்தில் புதிய படத்தில் நடிக்க இருப்பதாக ஏற்கனவே அறிவிக்கப்பட்டிருந்தது.
மேலும், இந்த படத்தின் ஷூட்டிங் மதுரையில் தொடங்க இருப்பதாகவும், அதற்காக மதுரையில் பிரமாண்ட செட் அமைக்கப்பட்டு வருவதாகவும் கூறப்படுகிறது. இந்நிலையில், இந்த படம் குறித்த சூப்பர் அப்டேட் ஒன்று வெளியாகியுள்ளது. அதன்படி இந்த படத்தில் பிரபல தெலுங்கு இளம் நடிகையான கீர்த்தி ஷெட்டி நடிக்க இருப்பதாக தகவல் வெளியாகியுள்ளது.