இந்திய சினிமாவில் தவிர்க்க முடியாத நடிகர்களில் ஒருவராக திகழ்பவர் உலக நாயகன் கமல்ஹாசன். இவர் நடிப்பில் லோகேஷ் இயக்கத்தில் அண்மையில் வெளியான விக்ரம் திரைப்படம் ரசிகர்கள் மத்தியில் அமோக வரவேற்பை பெற்றது. இந்த படத்தின் வெற்றியை தொடர்ந்து நடிகர் கமல்ஹாசன் தற்போது சங்கர் இயக்கத்தில் இந்தியன் 2 திரைப்படத்தில் நடித்து வருகிறார். இந்தப் படத்தில் காஜல் அகர்வால், ரகுல் பிரீத் சிங், பிரியா பவானி சங்கர், நடிகர் சித்தார்த் உள்ளிட்ட ஏராளமான நட்சத்திர பிரபலங்கள் நடிக்கிறார்கள்.
இந்த படத்தின் சூட்டிங் விறுவிறுப்பாக நடைபெற்று வரும் நிலையில், நடிகர் கமல்ஹாசன் சேனாதிபதி கெட்டப்பில் நேதாஜி சிலைக்கு முன் நின்று புகைப்படம் எடுத்து டுவிட்டரில் வெளியிட்டுள்ளார். அதோடு 25 வருடங்களுக்கு முன்பு கலைஞரால் மாவீரர் நேதாஜி சிலை திறக்கப்பட்ட அதே நாளில் அந்த சிலையின் கீழே இந்தியன் 2 படப்பிடிப்பிற்காக நிற்கிறேன். மகத்தான மனிதர்கள். மகத்தான நினைவுகள் என்று பதிவிட்டுள்ளார். மேலும் கமல்ஹாசனின் டுவிட்டர் பதிவு தற்போது வலைதளத்தில் வைரலாகி வருகிறது.
25 ஆண்டுகளுக்கு முன்னர் கலைஞரால் மாவீரர் நேதாஜிக்கு சிலை திறக்கப்பட்ட அதே நாளில் அந்தச் சிலையின் கீழே இந்தியன்-2 படப்பிடிப்பிற்காக நிற்கிறேன். மகத்தான மனிதர்கள், மகத்தான நினைவுகள். pic.twitter.com/tLbjpw2MjE
— Kamal Haasan (@ikamalhaasan) December 15, 2022