இந்தியா – வெஸ்ட் இண்டீஸ் அணிகளுக்கு இடையே நடந்த ஒருநாள் தொடரை 3-0 என்ற கணக்கில் இந்திய அணி தொடரை வென்றது .இதைதொடர்ந்து 3 போட்டிகள் கொண்ட டி20 தொடரில் விளையாடுகிறது. இதில் இரு அணிகளுக்கு இடையேயான முதல் டி20 போட்டி கொல்கத்தா ஈடன்கார்டனில் நாளை நடைபெறுகிறது.இதற்கிடையே , இந்த போட்டிக்கு முன் நடந்த செய்தியாளர்கள் சந்திப்பில் விராட் கோலியின் ‘பேட்டிங் பார்ம்’ குறித்தும், அவருடைய மனநிலை குறித்தும் இந்திய அணியின் கேப்டன் ரோகித் சர்மாவிடம் கேள்வி எழுப்பப்பட்டது .
இதற்கு ரோகித் சர்மா கூறுகையில்,” விராட் கோலியின் ‘பேட்டிங் பார்ம்’ குறித்து கவலையில்லை . நீங்கள் (செய்தி ஊடகங்கள்) சிறிது காலம் அமைதியாக இருந்தால், விராட் கோலி மீண்டும் நல்ல நிலைமைக்கு திரும்புவார் என நினைக்கிறேன்.இந்த விஷயத்தில் உங்கள் தரப்பில் இருந்து அதிகமான கருத்துக்கள் தர வேண்டாம். அப்படி இருக்கும் பட்சத்தில்,அனைத்து விஷயங்களும் கவனத்தில் கொள்ளப்படும். அவரை கவனித்தவரையில், அவர் நல்ல மனநிலையில் இருக்கிறார்” இவ்வாறு அவர் கூறினார்.