சூர்யா நடிக்கும் 42 என்று தற்காலிகமாக பெயரிடப்பட்டுள்ள இந்த திரைப்படத்தை ஸ்டுடியோ கிரீன் மற்றும் யுவி கிரியேஷன் நிறுவனம் இணைந்து தயாரிக்கின்றனர்.
இயக்குனர் சிவா இயக்கும் திரைப்படத்தில் நடிகர் சூர்யா தற்போது நடித்து வருகின்றார். சூர்யா நடிக்கும் 42 என்று தற்காலிகமாக பெயரிடப்பட்டுள்ள இந்த திரைப்படத்தை ஸ்டுடியோ கிரீன் மற்றும் யுவி கிரியேஷன் நிறுவனம் இணைந்து தயாரிக்கின்றனர். இந்தத் திரைப்படத்தில் பாலிவுட் நடிகை திஷா பத்தானி, கிங்ஸ்லி, ஆனந்தராஜ், கோவை சரளா மற்றும் யோகி பாபு போன்ற பலர் முக்கிய கதாபாத்திரங்களில் நடிக்கின்றனர்.
தேவி ஸ்ரீ பிரசாத் இசையமைக்கவுள்ள இந்தத் திரைப்படத்தின் படப்பிடிப்பு சில தினங்களுக்கு முன்பு பூஜையுடன் தொடங்கி முழு வீச்சில் நடைபெற்று வருகின்றது. இந்தத் திரைப்படமானது 3டி முறையில் சரித்திர படமாக 10 மொழிகளில் வெளியாகவுள்ளது. இந்நிலையில் இந்த திரைப்படத்தின் புதிய அப்டேட் வெளியாகியுள்ளது. இதனை தொடர்ந்து சூர்யா நடிக்கும் 42 திரைப்படத்தின் முதல்கட்ட படப்பிடிப்பு முடிவடைந்துள்ளது. மேலும் இதனை நடிகை திஷா பத்தானி தனது சமூக வலைதளத்தில் புகைப்படம் ஒன்றை வெளியிட்டு அறிவித்துள்ளார்.