தனுஷின் நானே வருவேன் திரைப்படத்தில் கதாநாயகியாக நடிகை எல்லி அவ்ரம் நடிக்க உள்ளதாக தகவல் வெளியாகியுள்ளது.
தமிழ் சினிமாவின் முன்னணி நடிகரான தனுஷ் தற்போது வாத்தி, திருசிற்றம்பலம், நானே வருவேன் உள்ளிட்ட திரைப்படங்களில் நடித்து வருகின்றார். பல வருடங்களுக்குப் பிறகு செல்வராகவன், தனுஷ், யுவன் சங்கர் ராஜா இணைந்த இந்த கூட்டணிக்கு ரசிகர்களிடையே பெரும் எதிர்பார்ப்பினை ஏற்படுத்தி இருக்கின்றது. இந்த படத்தின் போஸ்டர் வெளியான நாளிலிருந்தே ரசிகர்களிடையே எதிர்பார்ப்பு அதிகமானது. மேலும் போஸ்டர் இணையத்தில் வைரலாகி வருகின்றது.
— Elli AvrRam (@ElliAvrRam) March 26, 2022
இந்த திரைப்படத்தில் தனுஷ் இரண்டு கதாபாத்திரத்தில் நடிப்பதாகவும் அண்மையில் இந்த திரைப்படம் இறுதிகட்ட பணியில் இருப்பதாகவும் பிரம்மாண்டமாக படம் தயாராகி உள்ளதாகவும் படத்தின் தயாரிப்பாளர் கலைப்புலி தாணு கூறியிருந்தார். இந்த நிலையில் இப்படத்தின் கதாநாயகியாக சுவிஸ் நாட்டு நடிகை எல்லி அவ்ரம் நடிப்பதாக தகவல் வெளியாகியுள்ளது. இதற்கிடையில் சமீபத்தில் இப்படத்தின் புதிய போஸ்டர் வெளியாகி இணையதளத்தில் வைரலானது. இந்த போஸ்டரில் செம ஸ்டைலாக தனுஷ் சிகரெட் படித்துக் கொண்டிருப்பார். இந்தப் போஸ்டர் ரசிகர்களிடையே சர்ச்சையை கிளப்பியுள்ளது குறிப்பிடத்தக்கது.