மூக்கடைப்பு பிரச்சனையா.? வீட்டிலேயே தீர்வு காணுங்கள்..!!

சின்ன சின்ன வீட்டு வைத்தியங்கள் மூலமாகவே மூக்கடைப்பை முழுமையாக சரி செய்து விடலாம்.

அடிக்கடி மூக்கடைத்துக் கொள்ளும் பிரச்னை குழந்தைகளுக்கு அதிகமாகவே இருக்கும். பொதுவாக  சைனஸ் தொல்லை இருப்பவர்களுக்கு இந்தப் பிரச்னை கொஞ்சம் அதிகமாகவே ஏற்படும். குழந்தைகள் தான் இதில் அதிகம் பாதிக்கப்படுவார்கள்.

குளியல்:

மிதமான சுடுநீர் குளியல் மூக்கடைப்பை சரி செய்து விடும். மூக்கில் கட்டி இருக்கின்ற மியூகஸை இளக்கி வெளியேற்றி விடும். இதற்கு தலைக்குளியல்  மிகவும் நல்லது. தோள்ப் பட்டையிலிருந்து குளிக்கும் குளியல் நாமே உருவாக்கி கொண்டது. குளியல் என்றால் தலை முழுகுதல் என்றே பெயர். இதுவே ஆரோக்கியமான குளியல். ப்படி குளிப்பது தான் சிறப்பு. உடல் சூட்டை குறைக்கும்.

மூக்கை சுத்தம் செய்யும் பாட்:

பல ஆர்கானிக் கடைகளில், ஆன்லைனில் மூக்கை சுத்தம் செய்யும் பாட் கிடைக்கிறது. அதை வாங்கி மூக்கை அவ்வப்போது சுத்தம் செய்திட எந்த மூக்கடைப்பும் சைனஸ் தொல்லைகளும் வராது. மூச்சு பிரச்னைகள் கூட  எளிதில் குறைந்து விடும்.

தேன் மிளகு:

10 மிளகை இரவில் தேனில் ஊற வைத்து, மறுநாள் காலை அதை வெறும் வயிற்றில் நன்கு மென்று சாப்பிடுங்கள். மூக்கடைப்பு சரியாகி விடும்.

கைக்குட்டை:

கைக்குட்டையில் 2-3 துளிகள் யூக்கலிப்டிக்ஸ் எண்ணெய் விட்டு தொடர்ந்து முகர்ந்து பார்த்தால் மூக்கடைப்பு நீங்கும்.

ஒத்தடம்:

இளஞ்சூடான நீரில் ஹாட் பேக் ஒத்தடம் கொடுப்பதை செய்து கொள்ளுங்கள்.  இளஞ்சூடாகவே, மூகம் முழுவதும் ஒத்தடம் கொடுங்கள். குறிப்பாக மூக்கு, மூக்கை சுற்றி உள்ள பகுதிகளில் ஒத்தடம் கொடுப்பது மிகவும்  நல்லது.

யூக்கலிப்டிக்ஸ் எண்ணெய்:

யூக்கலிப்டிக்ஸ் எண்ணெய் விட்டு ஆவி பிடித்திட மூக்கடைப்பு நீங்கும். 3-4 சொட்டு விட்டாலே போதுமானது.

நீர்ச்சத்து:

நீர்ச்சத்து உடலில் குறையாமல் பார்த்துக்கொள்வது நல்லது. நீர்ச்சத்து குறைந்தால்கூட கடினமான அடைப்பு மூக்கில் ஏற்படலாம். நீர்ச்சத்து கொண்ட உணவுகள், மூக்கு துவாரம், மூச்சுக்குழாயில் உள்ள அடைப்பை பிரஷர் கொடுத்து நீக்கும். உடலில் நீர்ச்சத்து போதிய அளவு இல்லையென்றால் எரிச்சல், மூக்கு அடைப்பு, வீக்கம் ஏற்படலாம்.

மூலிகை டீ:

சுக்கு காபி, இஞ்சி டீ, புதினா டீ ஆகியவற்றைக் குடிக்கலாம். மிளகு கஷாயம், இஞ்சி, சுக்கு கஷாயம் ஆகியவற்றை பருகுவதும் ரொம்ப நல்லது.

இஞ்சி:

வெந்நீரில் இஞ்சி துருவலை போட்டு ஆவி பிடிப்பதும்  ஒரு சிறந்த தீர்வாகும். இஞ்சியின் காரம் மூக்கின் வழியாக சென்று அடைப்பை  நீக்கி விடும்.