மீல் மேக்கர் வைத்து சூடான அருமையான வடை செய்யலாம் வாருங்கள்
தேவையான பொருட்கள்:
மீ மேக்கர் – 100 கிராம்
இஞ்சி பூண்டு விழுது – 1 தேக்கரண்டி
பெரிய வெங்காயம் – 1
பொட்டுக்கடலை மாவு – 1/2 கப்
கறி மசாலா – 1/2 தேக்கரண்டி
மஞ்சள் தூள் – 1/4 தேக்கரண்டி
சோள மாவு – 1 தேக்கரண்டி
எண்ணெய், உப்பு – தேவையான அளவு
புதினா ,கொத்தமல்லி, கறிவேப்பிலை தேவையான அளவு
செய்முறை:
முதலில் மீல் மேக்கரை கொதிக்கின்ற தண்ணீரில் 10 நிமிடம் ஊற வைத்து எடுக்கவும்.
பின்னர் ஒரு பாத்திரத்தை எடுத்து அதில் சோள மாவு, மஞ்சள்தூள், பொட்டுக்கடலை மாவு, சோம்பு. சீரகத்தூள், கறி மசாலா, இஞ்சி-பூண்டு விழுது, நறுக்கிய கொத்தமல்லி, கருவேப்பிலை, புதினா, பெரிய வெங்காயம், பச்சை மிளகாய் ஆகியவற்றை சேர்த்து சிறிதளவு தண்ணீர் விட்டு நன்கு பிசைந்து கொள்ளவும்.
அதன் பின்னர் வேகவைத்த மீல்மேக்கரை சிறிய துண்டுகளாக நறுக்கி எடுத்து அந்தப் பாத்திரத்தில் போட்டு உப்பு சேர்த்து வடை பதத்திற்கு மாவை நன்கு பிசைந்து கொள்ளவும்.
பிறகு பொரிப்பதற்கு தேவையான எண்ணெய் ஊற்றி வாணலியை சூடேற்ற வேண்டும்.
அதன்பின் மாவை எடுத்து வடை போல் தட்டி சூடேற்றப்பட்ட எண்ணையில் போட்டு பொன்நிறம் வரும் வரை காத்திருந்து பொரித்து எடுக்க வேண்டும். சுவையான மீல்மேக்கர் வடை இப்போது தயார்.