மாஸ்டர் படத்தில் இருந்து நீக்கப்பட்ட காட்சிகள் யூடியூப் ட்ரெண்டிங்கில் முதலிடம் பிடித்திருக்கிறது.
பிரபல முன்னணி நடிகர் விஜய், விஜய் சேதுபதி, மாளவிகா மோகனன், சாந்தனு மற்றும் ஆண்ட்ரியா போன்ற பலர் நடித்து திரையரங்குகளில் வெற்றிகரமாக ஓடிக்கொண்டிருக்கும் மாஸ்டர் படத்தை லோகேஷ் கனகராஜ் இயக்கியுள்ளார். இந்த படம் கடந்த ஏப்ரல் மாதம் திரைக்கு வந்திருக்க வேண்டிய நிலையில், கொரோனா ஊரடங்கு காரணமாக ரிலீஸ் தள்ளி வைக்கப்பட்டு பொங்கலை முன்னிட்டு வெளியிடப்பட்டது.
இந்தப் படமானது ஒ.டி.டி-யில் 16 நாட்களிலேயே வெளியிடப்பட்டாலும் திரையரங்கில் தொடர்ந்து பெரும் வரவேற்பு பெற்றுள்ளது. இந்நிலையில் மாஸ்டர் படத்தில் இருந்து நீக்கப்பட்ட காட்சி இணையதளத்தில் வெளியாகியுள்ளது. இந்த வீடியோ சமூக வலைதளங்களில் வைரலாகி தற்போது யூடியூப் ட்ரெண்டிங்கில் முதல் இடம் பிடித்து வருகிறது.