நடிகர் விஜய் சேதுபதி இயக்குனர் மாரி செல்வராஜ் கைகளில் முத்தமிட்டு வாழ்த்துக்களை கூறியுள்ளார்.
மாரி செல்வராஜ் இயக்கத்தில் தனுஷ் நடிப்பில் உருவாகியுள்ள திரைப்படம் கர்ணன். தாணு தயாரிப்பில் உருவாகியுள்ள இப்படத்திற்கு சந்தோஷ் நாராயணன் இசையமைத்துள்ளார். இப்படத்தில் தனுஷ்க்கு ஜோடியாக ரஜிஷா விஜயன் நடித்துள்ளார். இத்திரைப்படம் கடந்த ஏப்ரல் 9ஆம் தேதி திரையரங்குகளில் வெளியாகி நல்ல வரவேற்பை பெற்று வருகிறது.
இப்படத்தை பார்க்கும் பலரும் தனுஷ் மற்றும் மாரி செல்வராஜை பாராட்டி வருகின்றனர். அதிலும் சில திரைப்பிரபலங்கள் தங்களது சமூக வலைதளங்கள் மூலம் கர்ணன் படக்குழுவை வாழ்த்தி வருகின்றனர். இந்நிலையில் கர்ணன் திரைப்படத்தின் சிறப்பு காட்சிகள் திரையுலகை சேர்ந்தவர்களுக்கு சென்னையில் உள்ள ஒரு தனியார் திரையரங்குகளில் திரையிடப்பட்டது.
இதனை பார்த்து வந்த விஜய் சேதுபதி இயக்குனர் மாரி செல்வராஜின் கையில் முத்தமிட்டு வாழ்த்துக்களை கூறியுள்ளார். மேலும் “அற்புதமான படம் என்றும், மாரி செல்வராஜ் நீ நல்லா வருவ, லவ் யூ என்றும் கூறியுள்ளார். அப்போது எடுக்கப்பட்ட புகைப்படங்கள் இணையத்தில் வைரலாக பரவி வருகிறது.
