மாலை நேரம், டீ மற்றும் காபியுடன் சேர்த்து சாப்பிட, முருங்கை கீரை சேர்த்து மெது வடை எப்படி செய்வது என்று இந்த செய்தி தொகுப்பில் காணலாம்.
புழுங்கல் அரிசி – 1/4 கப்
உளுந்து – 1/2 கப்
ஆய்ந்த முருங்கை இலை – ஒரு கைப்பிடி
எள் – ஒரு டீஸ்பூன்
எண்ணெய் – தேவைக்கேற்ப
பெரிய வெங்காயம் – 1
பச்சைமிளகாய் – 3
உப்பு – தேவையான அளவு
செய்முறை:
முதலில் உளுந்து மற்றும் அரிசியை ஊற வைத்து, பின் கெட்டியாக அரைத்து கொள்ளவும். பின்பு முருங்கைக் கீரையை உருவி, நன்றாக சுத்தம் செய்யவும்.
பின் வெங்காயம் மற்றும் ப.மிளகாயை பொடியாக நறுக்கவும். தொடர்ந்து அரைத்த மாவுடன், முருங்கை இலை, உப்பு, எள், ப.மிளகாய் மற்றும் வெங்காயத்தை சேர்த்து நன்றாக கலந்து கொள்ளவும்.
ஒரு கடாயில் எண்ணெய் ஊற்றி சூடானதும், அதில் சிறு உருண்டையாக உருட்டிய மாவை போட்டு பொரித்து எடுக்கவும். இப்போது சுவையான முருங்கை கீரை மெது வடை ரெடி.