காலிஃப்ளவர் சூப் செய்ய தேவையான பொருட்கள்:
துருவிய காலிஃப்ளவர் – 1 கப்
காலிஃப்ளவர் தண்டு – 1/2 கப்
கோதுமை மாவு – 1 டேபிள்ஸ்பூன்
வெங்காயம் – 1
பால் – 1 கப்
மிளகுத்தூள் – சிறிதளவு
பூண்டு – 4 பல்
நெய் அல்லது வெண்ணெய் – தேவையான அளவு
உப்பு – தேவைக்கேற்ப
செய்முறை:
முதலில் 1/2 கப் காலிஃப்ளவர் தண்டு, 4 பூண்டு, 1 வெங்காயத்தை சேர்த்து மிக்ஸியில் விழுதாக அரைத்துக் கொள்ளவும்.
கடாயில் தேவையான அளவு நெய் அல்லது வெண்ணெய் சேர்த்து, அடுப்பை குறைந்த தீயில் வைத்து, அதில் 1 கப் துருவிய காலிஃப்ளவரை சேர்த்து வதக்கி, பின் உப்பு, மிளகுத்தூள் சேர்த்துப் புரட்டி தனியாக எடுத்து வைத்துக் கொள்ளவும்.
பின் மற்றொரு கடாயில் நெய் அல்லது வெண்ணெய் விட்டு, அரைத்து வைத்திருக்கும் விழுதை அதில் சேர்த்து, தொடர்ந்து 1 டேபிள் ஸ்பூன் கோதுமை மாவை போட்டுக் கிளறி, பின் 2 நிமிடங்கள் கழித்து ஒரு கப் நீர் ஊற்றிக் கொதிக்கவிடவும்.
இறுதியில் வதக்கி வைத்துள்ள காலிஃப்ளவர் கலவையும் அதனுடன் சேர்த்துக் கொதித்ததும், உடனே 1 கப் பால் சேர்த்துக் கிளறி இறக்கவும். இப்போது சத்தான காலிஃப்ளவர் சூப் ரெடி.