குழந்தைகளுக்கு பிடித்த… இனிப்பான ருசியில்… சத்தான கேழ்வரகு வெல்லம் தோசை ரெசிபி..!!

கேழ்வரகு வெல்லம் தோசை செய்ய தேவையான பொருட்கள் :

கேழ்வரகு மாவு                           – 1 கப்
வெல்லம்                                        – அரை கப்
ஏலக்காய் தூள்                             – அரை டீஸ்பூன்
உப்பு                                                   – 1 சிட்டிகை
நெய்                                                   – தேவையான அளவு

செய்முறை :

முதலில்  வெல்லத்தை எடுத்து மிக்சிஜாரில் போட்டு, நன்கு பொடியாக அரைத்து கொள்ளவும்.பின்பு பாத்திரத்தில்  கேழ்வரகு மாவு, பொடி செய்த வெல்லம், ஏலக்காய் தூள், உப்பு போட்டு சேர்த்து நன்கு கலந்து தோசை மாவு பதத்திற்கு கரைத்து எடுத்து கொள்ளவும்.

அடுப்பில் தோசை கல்லை வைத்து சூடானதும், அதில் சிறிது நெய் ஊற்றி கலந்து வைத்த மாவை சூடான கல்லில் தோசைகளாக ஊற்றி, அதன் சுற்றிலும் நெய் ஊற்றி வெந்தவுடன் திருப்பி போட்டு மறுபக்கமும் வேக வைத்து எடுத்து பரிமாறினால் ருசியான கேழ்வரகு வெல்லம் தோசை ரெடி.