இஞ்சி புளி தொக்கு செய்ய தேவையானப்பொருட்கள்:
இஞ்சி – 50 கிராம்
புளி – நெல்லிக்காய் அளவு
வெல்லம் – சிறிய துண்டு
பச்சை மிளகாய் – 3
கடுகு – தேவையான அளவு,
பெருங்காயத்தூள் – தேவையான அளவு,
வெந்தயம் – கால் டீஸ்பூன்,
எண்ணெய், உப்பு – தேவையான அளவு.
செய்முறை:
முதலில் பச்சை மிளகாய், இஞ்சியை எடுத்து சுத்தம் செய்து, தோல் நீக்கி சிறு துண்டுகளாக நறுக்கி கொள்ளவும். பின்பு பாத்திரத்தில் புளியை எடுத்து நன்கு ஊற வைக்கவும்.
பிறகு வாணலியை அடுப்பில் வைத்து சிறிது எண்ணெய் ஊற்றி, காய்ந்ததும் அதில் நறுக்கிய பச்சை மிளகாய், இஞ்சி போட்டு நன்கு வதக்கி எடுத்து கொள்ளவும். அடுத்தது மிக்சிஜாரில் வெல்லத்தை போட்டு பொடித்து கொள்ளவும்.
மேலும் மிக்சிஜாரில் வதக்கிய இஞ்சி,பச்சை மிளகாய், கரைத்த புளி, உப்பு சேர்த்து, சிறிதளவு தண்ணீர் ஊற்றி நன்கு அரைத்து எடுக்கவும்.
இறுதியில் கடாயை அடுப்பில் வைத்து அதில் சிறிது எண்ணெய் ஊற்றி காய்ந்ததும், கடுகு, பெருங்காயத்தூள், வெந்தயம் போட்டு தாளித்ததும், அதனுடன் அரைத்த விழுது, பொடித்த வெல்லத்தை சேர்த்து நன்கு கெட்டியாக வதங்கியபின் இறக்கி பரிமாறினால் ருசியான இஞ்சி புளி தொக்கு ரெடி.