கார்த்தியுடன் நடிக்க மறுத்த முன்னணி நடிகைகள் குறித்த தகவல் வெளியாகியுள்ளது.
தமிழ் சினிமாவில் பிரபல முன்னணி நட்சத்திரங்களில் ஒருவராக வலம் வருபவர் கார்த்தி. சமீபத்தில் இவர் நடிப்பில் வெளியான ”சுல்தான்” திரைப்படம் ரசிகர்களிடையே நல்ல வரவேற்பை பெற்றது. இதனையடுத்து, இயக்குனர் முத்தையா இயக்கத்தில் தற்போது இவர் ”விருமன்” படத்தில் நடித்துள்ளார்.
இந்த திரைப்படம் மதுரை சுற்றுவட்டார பகுதியில் படமாக்கப்பட்டுள்ளது. இந்த திரைப்படத்தில் கதாநாயகியாக பிரபல இயக்குனர் ஷங்கரின் மகள் அதிதி சங்கர் நடிக்கிறார். சமீபத்தில் இந்த படத்தின் புகைப்படங்கள் இணையத்தில் வெளியாகி வைரலானது. இதனைத் தொடர்ந்து, இந்த படத்தில் முதலில் கதாநாயகியாக நடிப்பதற்காக மூன்று முன்னணி நடிகைகளான சாய்பல்லவி, கீர்த்தி சுரேஷ், ராஷ்மிகா மந்தனா ஆகியோருடன் பேச்சுவார்த்தை நடத்தப்பட்டதாக தகவல் வெளியாகியுள்ளது. அப்போது அவர்களின் கால்ஷீட் கிடைக்காத காரணத்தினால் இந்த படத்தில் அதிதி ஷங்கர் நடித்ததாக கூறப்படுகிறது.