யோகி பாபு நடிக்கும் புதிய படத்தில் பிரபல நடிகை நடிக்க இருப்பதாக தகவல் வெளியாகியுள்ளது.
தமிழ் திரையுலகில் முன்னணி காமெடி நடிகராக வலம் வருபவர் யோகி பாபு. இவர் தொடர்ந்து அடுத்தடுத்த திரைப்படங்களில் கமிட்டாகி நடித்து வருகிறார். கடைசியாக இவர் சிவகார்த்திகேயன் நடிப்பில் வெளியான ‘டாக்டர்’ திரைப்படத்தில் நடித்திருந்தார். இதனையடுத்து, இவர் நடிப்பில் அடுத்த வருடம் பீஸ்ட், வலிமை போன்ற திரைப்படங்கள் ரிலீசாக உள்ளன.
இந்நிலையில், இவர் நடிக்கும் புதிய திரைப்படத்தில் இவருக்கு கதாநாயகியாக பிரபல நடிகை லட்சுமி மேனன் நடிக்க இருப்பதாக தகவல் வெளியாகியுள்ளது. மேலும், காதல் கதையாக உருவாகும் இந்த படத்தின் அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.