விக்ரம் நடிக்கும் கோப்ரா திரைப்படத்தின் பர்ஸ்ட் லுக் போஸ்டர் வெளியாகி ரசிகர்கள் மத்தியில் பெரும் வரவேற்பை பெற்றுள்ளது
டிமான்டி காலனி, இமைக்கா நொடிகள் போன்ற படங்களை இயக்கிய அஜய் ஞானமுத்து அவர்கள் தற்போது நடிகர் விக்ரமை வைத்து கோப்ரா திரைப்படத்தை இயக்கி வருகிறார். இப்படத்தில் விக்ரமிற்கு 12 வேடங்கள் கொடுக்கப்பட்டுள்ளது. கதாநாயகியாக ஸ்ரீநிதி ஷெட்டி நடிக்கிறார். 7 ஸ்கிரீன் ஸ்டூடியோ தயாரிக்கும் இப்படத்திற்கு ஏ ஆர் ரகுமான் அவர்கள் இசையமைக்கிறார்.
ஆக்சன் மற்றும் திரில்லர் என முற்றிலும் வேறுபட்ட கதையம்சத்துடன் உருவாகும் இப்படத்தின் பர்ஸ்ட் லுக் போஸ்டரை வெளியிட்டுள்ளனர் படக்குழுவினர். வெளியிட்ட போஸ்டரில் விக்ரமின் தோற்றத்தை கண்டு ரசிகர்கள் பெரிதும் கவரப்பட்டுள்ளனர். படம் மேல் கொண்ட எதிர்பார்ப்பில் சமூக வலைத்தளத்தில் அதிக அளவில் பரப்பி வருகின்றனர் ரசிகர்கள்.