தமிழ் சினிமாவில் 65 வருடங்களாக முன்னணி கதாநாயகராக ஜொலிப்பவர் நடிகர் கமல்ஹாசன். 4 வயதில் களத்தூர் கண்ணம்மா என்ற திரைப்படத்தின் மூலம் நடிகராக அறிமுகமான கமல்ஹாசன், தன்னுடைய படங்களில் புதுப்புது விஷயங்களை அறிமுகப்படுத்தி மக்கள் மத்தியில் தனக்கென தனி இடத்தை பிடித்துள்ளார். நடிகர் கமல் நடிப்பில் சமீபத்தில் வெளியான விக்ரம் திரைப்படம் சூப்பர் ஹிட் ஆனது. இந்த படத்திற்கு பிறகு கமல் சங்கர் இயக்கத்தில் இந்தியன் 2 படத்தில் நடித்து வருகிறார். அதன் பிறகு கமலின் 234-வது படத்தை நாயகன் படத்திற்கு பிறகு இயக்குனர் மணிரத்தினம் இயக்குகிறார்.
இது தொடர்பான அதிகாரப்பூர்வ அறிவிப்பு அண்மையில் வெளியானது. இந்நிலையில் நடிகர் கமல்ஹாசனின் சொத்து விபரம் குறித்த ஒரு தகவல் வெளியாகியுள்ளது. அதாவது அவர் தனக்கு 177 கோடி ரூபாய் வரை சொத்து மதிப்பு இருப்பதாக அதிகாரப்பூர்வமாக பதிவு செய்தார். ஆனால் இணையதளத்தில் 400 கோடி ரூபாய் வரை சொத்து மதிப்பு இருப்பதாக தகவல்கள் வெளியாகி கொண்டு இருக்கிறது. மேலும் கடந்த 65 வருடங்களாக சினிமாவில் நீடிக்கும் நடிகர் கமல் ஹாசனின் சொத்து விவரம் குறித்த தகவல் தான் தற்போது இணையதளத்தில் பரவலாக பேசப்படுகிறது.