நடப்பு ஆண்டுக்கான ஐபிஎல் தொடர் மிகவும் விறுவிறுப்பாக நடைபெற்றது. இதில் சென்னை சூப்பர் கிங்ஸ் அணி கோப்பையை கைப்பற்றியது. இதனை தொடர்ந்து சென்னை சூப்பர் கிங்ஸ் அணியின் உரிமையாளர் சீனிவாசன் உலக கோப்பை கிரிக்கெட் போட்டி முடிந்ததும், தோனி தமிழ்நாடு வந்து ஐபிஎல் கோப்பையை முதல்வரிடம் வழங்குவார் என்று தெரிவித்திருந்தார். மேலும் அதற்கான விழா சென்னையில் நடைபெறும் எனவும் அவர் கூறியிருந்தார்.
அந்த வகையில் இன்று மாலை 5 மணிக்கு சென்னை கலைவாணர் அரங்கத்தில் சென்னை சூப்பர் கிங்ஸ் அணியின் வெற்றி விழா தொடங்கி நடைபெற்று வருகிறது. இதில் எம்எஸ் தோனி, முதல்வர் மு.க.ஸ்டாலின் மற்றும் பலரும் கலந்து கொண்டனர். இந்த நிகழ்ச்சியில் கலந்துகொண்ட முகஸ்டாலின் தோனி குறித்து பேசி வருகிறார். அந்த வகையில் தோனி பல ஆண்டுகள் சிஎஸ்கே கேப்டனாக நீடிக்க வேண்டும் என்று தெரிவித்தார். இதைக் கூறியவுடன் அங்கிருந்த சிலர் ஒன்ஸ்மோர் கேளுங்க… என்றவுடன் மீண்டும் சொல்கிறேன் என்று டோனி சிஎஸ்கே கேப்டனாக நீடிக்க வேண்டும் என்று மறுபடியும் தெரிவித்தார். இப்படி சிஎஸ்கே பாராட்டு விழா மிகவும் சுவாரசியமாக நடைபெற்று வருகிறது.