ஜூனியர் உலக கோப்பை ஹாக்கி போட்டியில் நேற்று நடந்த ஆட்டத்தில் 13-1 என்ற கோல் கணக்கில் இந்திய அணி அபார வெற்றி பெற்றுள்ளது.
12-வது ஜூனியர் உலக கோப்பை ஹாக்கி போட்டி (21 வயதுக்குட்பட்டோர் )ஒரிசாவில் தலைநகர் புவனேஸ்வரில் உள்ள கலிங்கா மைதானத்தில் நடந்து வருகிறது .இதில் வருகின்ற 5-ம் தேதி வரை நடைபெறும் இப்போட்டியில் இந்தியா ,பெல்ஜியம் ,பாகிஸ்தான் ,ஜெர்மனி உட்பட 16 அணிகள் கலந்து கொண்டுள்ளன .இதில் பங்கேற்றுள்ள அணிகள் 4 பிரிவுகளாக பிரிக்கப்பட்டு ஒவ்வொரு அணியும் தங்கள் பிரிவில் உள்ள மற்ற அணிகளுடன் தலா ஒரு முறை மோத வேண்டும். இதில் லீக் சுற்று முடிவில் ஒவ்வொரு பிரிவிலும் முதல் 2 இடங்களை பிடிக்கும் அணிகள் கால் இறுதிக்கு தகுதி பெறும்.
இதில் முதல் நாளில் ‘பி ‘பிரிவில் நடைபெற்ற ஆட்டத்தில் இந்தியா – பிரான்ஸ் அணிகள் மோதியது ஆனால் 4-5 என்ற கணக்கில் இந்திய அணி பிரான்சிடம் தோல்வியடைந்தது. இந்நிலையில் நேற்று நடந்த மற்றொரு ஆட்டத்தில் இந்தியா – கனடா அணிகள் பலப்பரீட்சை நடத்தின. இதில் தொடக்கத்திலிருந்தே இந்திய அணி அதிரடியாக விளையாடியது. இதனால் முதல் பாதி ஆட்டத்தில் இந்திய அணி 4-1 என்ற கணக்கில் முன்னிலையில் இருந்தது. இறுதியாக இந்திய அணி 13-1 என்ற கோல் கணக்கில் கனடா அணியை தோற்கடித்து அபார வெற்றி பெற்றுள்ளது.