‘அகிலன்’ படத்தின் டீஸர் குறித்த புதிய அப்டேட் வெளியாகியுள்ளது.
தமிழ் சினிமாவில் பிரபல நடிகராக வலம் வருபவர் ஜெயம் ரவி. இவர் நடிப்பில் வெளியாகும் படங்கள் அனைத்தும் ரசிகர்கள் மத்தியில் நல்ல வரவேற்பு பெற்று வருகிறது. இயக்குனர் கல்யாண் கிருஷ்ணன் இயக்கத்தில் இவர் நடிப்பில் உருவாகியுள்ள திரைப்படம் ”அகிலன்”. இந்த படத்தில் கதாநாயகியாக பிரியா பவானி சங்கர் மற்றும் தன்யா ரவிச்சந்திரன் நடித்துள்ளனர்.
மறைந்த இயக்குனர் எஸ். பி. ஜனநாதன் இந்த படத்திற்கு திரைக்கதை எழுதியுள்ளார். மேலும் இந்த படத்தில் ஹரிஷ் உத்தமன், தருண் அரோரா, மதுசூதன் ராவ் மற்றும் பலர் முக்கிய கதாபாத்திரத்தில் நடித்துள்ளனர். சாம். சி. எஸ் இசையமைக்கும் இந்த படத்தை ஸ்கிரீன் சீன் நிறுவனம் தயாரிக்கிறது.
இதனையடுத்து, இந்த படத்தில் ஜெயம்ரவி கடற்படை அதிகாரியாகவும், கேங்ஸ்டராகவும் இரண்டு கதாபாத்திரத்தில் நடிக்கிறார். இந்நிலையில், ‘அகிலன்’ படத்தின் டீஸர் குறித்த புதிய அப்டேட் வெளியாகியுள்ளது. அதன்படி, இந்த படத்தின் டீசர் வரும் ஜூன் 8-ஆம் தேதி ரிலீஸ் ஆகும் என படக்குழு அறிவித்துள்ளது.