ஆர்ஆர்ஆர் படத்தை பார்த்த இயக்குனர் சங்கர் சமூக வலைத்தள பக்கத்தில் பாராட்டி பதிவிட்டுள்ளார்.
தெலுங்கு திரையுலகில் பிரபல இயக்குனர் ராஜமவுலி இயக்கத்தில் உருவான திரைப்படம் “ரத்தம் ரணம் ரௌத்திரம்” RRR. கதாநாயகனாக ராம்சரண் மற்றும் முதன்மை கதாபாத்திரமாக ஜூனியர் என்டிஆர் ஆகியோர் இணைந்து நடித்த இந்தப் படம் திரையரங்குகளில் நேற்று வெளியானது. இந்த திரைப்படம் விமர்சனம் ரீதியாக நல்ல வரவேற்பைப் பெற்று பாகுபலி படத்தைப் போன்று ரசிகர்கள் மத்தியில் நல்ல தாக்கத்தை ஏற்படுத்தி வருகிறது. இந்த நிலையில் இப்படத்தை பார்க்கும் பிரபலங்கள் பலரும் பாராட்டு மழை பொழிந்து வருகின்றனர்.
Ravishing,Riveting,Robust.A Roar that’ll echo throughout times.Thanks to the whole team for an unparalleled experience.@AlwaysRamCharan-Raging Performance & Screen presence.@tarak9999 ‘s Radiant Bheem captivates your heart.Ur imagination stays undefeated,hats off “MahaRaja”mouli.
— Shankar Shanmugham (@shankarshanmugh) March 25, 2022
இந்த வகையில் இயக்குனர் ஷங்கர் ஆர்ஆர்ஆர் திரைப்படத்தை பார்த்து விட்டு தனது டுவிட்டர் பக்கத்தில் பதிவு ஒன்றை வெளியிட்டுள்ளார். அதில் “கவர்ந்திழுக்கும், வலுவான, எல்லா நேரங்களிலும், எதிரொலிக்கும் கர்ஜனை அது. ஒரு இணையற்ற அனுபவத்தை கொடுத்ததற்கு முழு குழுவிற்கு நன்றி. ராம் சரணின் பொங்கி எழும் நடிப்பு மற்றும் திரை விளக்கம், ஜூனியர் என்டிஆரின் கதிரியக்க பீம் உங்கள் இதயத்தை வசீகரிக்கும். உங்கள் கற்பனை தோற்காமல் இருக்கும் “மஹாராஜா” மவுலிக்கு வாழ்த்துக்கள்” என்று பாராட்டி பதிவிட்டுள்ளார்.