விசா இல்லாமல் ஐரோப்பிய ஒன்றிய நாடுகளுக்கு பயணிக்க 7 யூரோ செலுத்த வேண்டும் என்ற தகவல் வெளியாகியுள்ளது .
பிரித்தானிய மக்கள் தங்கள் விடுமுறையை கழிக்க ஐரோப்பாவில் உள்ள பிரதான இடங்களுக்கு சுற்றுலா செல்வர். இந்நிலையில் புதிய சுற்றுலா அமைப்பின் ஒரு பகுதியாக அடுத்த ஆண்டு முதல் விசா இல்லாமல் சுற்றுலா செல்வதற்கு பயணிகள் 6 பவுண்டு செலுத்த வேண்டும். அத்துடன் பிரான்ஸ், ஸ்பெயின் மற்றும் கிரீஸ் ஆகிய நாடுகளில் விசா இல்லாமல் நுழையும் சுற்றுலா பயணிகளுக்கும் 2022 -ஆம் ஆண்டு இறுதிவரை இந்த விதிகள் பொருந்தும் என தெரிவிக்கப்பட்டுள்ளது. அதோடு சுற்றுலா பயணிகள் விசா இல்லாமல் ஐரோப்பாவுக்குள் நுழைவதற்கு 7 யூரோ பவுண்டு கொண்ட ஆன்லைன் விண்ணப்ப படிவத்தை பூர்த்தி செய்ய வேண்டும்.
அந்த விண்ணப்பப் படிவம் சரி பார்க்கும் வரை 30 நாட்கள் காத்திருக்க வேண்டும். இந்த விண்ணப்பப் படிவத்தில் பயணிகளின் தனிப்பட்ட விபரங்கள், சமீபத்தில் பயணம் செய்த விவரம் மற்றும் ஏதேனும் குற்ற வழக்குகள் இருந்தால் அதையும் கண்டிப்பாக அந்த படிவத்தில் குறிப்பிட வேண்டும். இந்த விண்ணப்பம் சரிபார்க்கப்பட்டு அங்கீகரிக்கப்பட்ட விசா 3 ஆண்டுகளுக்கு செல்லுபடியாகும். மேலும் விமானங்கள், சாலைகள் மற்றும் படகுகள் மூலமாக ஐரோப்பிய நாடுகளுக்கு பயணிக்கும் பிரித்தானிய மக்களுக்கும் இது பொருந்தும். இந்நிலையில் ஐரோப்பிய ஒன்றிய கமிஷனின் செய்தித் தொடர்பாளர் கூறும்போது , 95 சதவீதத்திற்கும் அதிகமான விண்ணப்பங்கள் தானியங்கி ஒப்புதலை ஏற்படுத்தும் என எதிர்பார்க்கப்படும் “, என்று அவர் கூறியுள்ளார்.