மீதமுள்ள ஐபிஎல் போட்டியில் இருந்து ஆஸ்திரேலிய வேகப்பந்து வீச்சாளரான பேட் கம்மின்ஸ் விலகியுள்ளார் .
14-வது ஐபிஎல் சீசன் தொடரின் மீதமுள்ள போட்டிகள் வருகிற செப்டம்பர் 19-ஆம் தேதி முதல் தொடங்கி அக்டோபர் 15-ஆம் தேதி வரை ஐக்கிய அரபு அமீரகத்தில் நடைபெற உள்ளது. இதற்காக சிஎஸ்கே,மும்பை இந்தியன்ஸ் அணிகள் அங்கு சென்று பயிற்சியில் ஈடுபட்டுள்ளனர். இந்நிலையில் கொல்கத்தா நைட் ரைடர்ஸ் அணியில் இடம்பெற்ற ஆஸ்திரேலிய வேகப்பந்து வீச்சாளரான பேட் கம்மின்ஸ் தனிப்பட்ட காரணங்களுக்காக மீதமுள்ள ஐபிஎல் போட்டியில் பங்கேற்க மாட்டேன் என்று ஏற்கனவே அறிவித்துள்ளார்.
இதனால் அவருக்கு பதிலாக நியூசிலாந்தின் வேகப்பந்து வீச்சாளரான டிம் சவுதியை கொல்கத்தா நைட் ரைடர்ஸ் அணி ஒப்பந்தம் செய்துள்ளது. சர்வதேச டி20-யில் 83 போட்டிகளில் விளையாடியுள்ள டிம் சவுதி 99 விக்கெட்டுகளை கைப்பற்றியுள்ளார் .அதோடு இவர் ஐபிஎல் தொடரில் ராஜஸ்தான் ராயல்ஸ் ,சிஎஸ்கே ,மும்பை இந்தியன்ஸ் மற்றும் ஆர்சிபி அணிக்காக விளையாடியுள்ளார் .தற்போதைய இவரை கொல்கத்தா அணி ஒப்பந்தம் செய்துள்ளது.