ஆர்யா மற்றும் விஷால் இணைந்து மிரட்டும் ‘எனிமி’…. டீசர் ரிலீஸ் எப்போது…?

விஷால் மற்றும் ஆர்யா இணைந்து நடிக்கும் ‘எனிமி’ படத்தின் டீசர் ரிலீஸ் குறித்த தகவல் வெளியாகியுள்ளது.

பிரபல இயக்குனர் ஆனந்த் ஷங்கர் இயக்கத்தில் முன்னணி நடிகர்கள் ஆர்யா மற்றும் விஷால் நடிப்பில் உருவாகி வரும் திரைப்படம் எனிமி. இப்படத்தில் விஷாலுக்கு ஜோடியாக நடிகை மிருணாளினியும்,ஆர்யாவுக்கு ஜோடியாக மம்தா மோகன்தாஸும் நடித்து வருகின்றனர்.

இந்நிலையில் இப்படத்தின் தயாரிப்பாளர் வினோத் தனது சமூக வலைதளப் பக்கத்தில் எனிமி படம் குறித்த தகவலை வெளியிட்டுள்ளார். அதன்படி ‘எனிமி’ படத்தின் படப்பிடிப்பு 90% முடிந்துள்ளதாகவும், மீதமிருக்கும் 10 சதவீத படப்பிடிப்பை சென்னையில் நடத்தப்பட உள்ளதாகவும் கூறியுள்ளார். மேலும் இன்னும் இரண்டு வாரங்களுக்குள் எனிமி படத்தின் டீஸர் வெளியாகும் என்றும் தெரிவித்துள்ளார்.