கன்னட சினிமாவில் பிரபலமான இயக்குனராகவும் நடிகராகவும் பலம் வரும் ரிஷப் செட்டி காந்தாரா என்ற திரைப்படத்தை இயக்கி நடித்துள்ளார். கடந்த மாதம் 30-ம் தேதி திரையரங்குகளில் ரிலீசான காந்தாரா திரைப்படம் விமர்சன ரீதியாகவும், வசூல் ரீதியாகவும் நல்ல வரவேற்பை பெற்றதால், ஹோம் பேலே நிறுவனம் படத்தை தமிழ், தெலுங்கு, மலையாளம் மற்றும் ஹிந்தி மொழிகளிலும் டப்பிங் செய்து வெளியிட்டது. 20 கோடி பட்ஜெட்டில் எடுக்கப்பட்ட காந்தாரா திரைப்படம் தற்போது 200 கோடியை தாண்டி வசூல் சாதனை புரிந்து வருகிறது.
இந்த திரைப்படத்தை பாலிவுட் நடிகை கங்கனா ராணவாத், சூப்பர் ஸ்டார் ரஜினிகாந்த் உள்ளிட்ட பல பிரபலங்கள் பாராட்டியுள்ளனர். இந்நிலையில் படத்தில் வராக ரூபம் என்ற ஒரு பாடல் இடம் பெற்றிருந்தது. இந்த பாடல் சூப்பர் ஹிட் ஆன நிலையில், தாய்குலம் பிரிட்ஜின் நவரச பாடலை காப்பியடித்து எடுக்கப்பட்டதாக கோழிக்கோடு நீதிமன்றத்தில் வழக்கு தொடரப்பட்டது. இந்த வழக்கை விசாரித்த நீதிபதி இசைக் குழுவின் அனுமதி இன்றி திரையரங்குகள் மற்றும் ஸ்ட்ரீமிங் தளங்களில் பாடலை ஒளிபரப்ப இடைக்கால தடை விதிப்பதாக கூறி வழக்கை ஒத்தி வைத்தனர்.