ஒவ்வொரு மாதமும் சிறந்த கிரிக்கெட் வீரர்களை தேர்வு செய்து ஐசிசி விருது வழங்கி கவுரவித்து வருகிறது. அதன்படி ஜனவரி மாதத்துக்கான சிறந்த வீரருக்கான பட்டியலில் தென் ஆப்பிரிக்கா அணியின் கீகன் பீட்டர்சன், பிரேவிஸ் மற்றும் வங்கதேச அணியின் எபாதத் ஹொசைன் ஆகியோர் தேர்வுசெய்யப்பட்டனர். இந்நிலையில் தென் ஆப்பிரிக்க அணியை சேர்ந்த கீகன் பீட்டர்சன் ஜனவரி மாதத்துக்கான சிறந்த வீரராக தேர்வு செய்யப்பட்டுள்ளார்.
இவர் இந்திய அணிக்கெதிராக சொந்த மண்ணில் நடந்த 3 போட்டிகள் கொண்ட டெஸ்ட் தொடரில் 276 ரன்கள் குவித்தார்.அதேபோல் இங்கிலாந்து அணி வீராங்கனை ஹீதர் நைட் சிறந்த வீராங்கனையாக தேர்வு செய்யப்பட்டுள்ளார்.இவர் ஆஸ்திரேலிய அணிக்கெதிரான டெஸ்ட் போட்டியில் 168 ரன்கள் குவித்தார் என்பது குறிப்பிடத்தக்கது.