சேலத்தில் வீடு கேட்பது போல் வந்து நகை பறித்து சென்றதில் மூதாட்டி உயிரிழந்துள்ளார்.
சேலம் மாவட்டத்தில் உள்ள சின்னதிருப்பதி பாண்டியன் தெருவை சேர்ந்த நசீர் ஜஹான் என்ற மூதாட்டி சென்ற பத்து வருடங்களாக அடுக்குமாடி குடியிருப்பில் தனியாக வசித்து வந்தார். சென்ற 4-ம் தேதி காலை 25 வயது மதிக்கத்தக்க இரண்டு பேர் வீடு வாடகைக்கு கேட்பது போல் இவரின் அடுக்குமாடி குடியிருப்புக்குள் சென்றுள்ளார்கள். அதற்கு இவர் அடுக்குமாடி குடியிருப்பு உரிமையாளரிடம் கேட்டுக் கொள்ளுங்கள் எனக் கூறி இருக்கின்றார்.
அப்போது இருவரும் அங்கிருந்து சென்று விட்டார்கள். பின் மாலை 3 மணி அளவில் வீட்டிற்குள் புகுந்த இரண்டு பேர் நசீர் ஜஹானை தாக்கி அவர் அணிந்திருந்த தங்க சங்கிலி, வளையல், கம்மல், மோதிரம் உள்ளிட்டவற்றை பறித்துக் கொண்டு தப்பி விட்டார்கள். இவரின் சத்தம் கேட்ட அக்கம் பக்கத்தினர் ஓடி வந்து பார்த்தார்கள். பின்னர் இது குறித்து போலீசாருக்கு தகவல் கொடுத்தார்கள். சம்பவ இடத்திற்கு வந்த போலீசார் மூதாட்டியை மீட்டு தனியார் மருத்துவமனையில் சிகிச்சைக்காக அனுமதித்தார்கள்.
மூதாட்டியிடம் கொள்ளை போன நகைகள் 15 அரை பவுன் இருக்கும் என சொல்லப்படுகின்றது. இதில் போலீசார் சந்தேகப்படும்படி இருக்கும் முஸ்தபா மற்றும் ராஜேந்திரன் உள்ளிட்டோரை விசாரணை செய்தவர்களும் கண்காணிப்பு கேமராவில் இருந்தவர்களின் உருவங்களும் ஒத்து போனது. இதனிடையே மூதாட்டி மருத்துவமனையில் சிகிச்சை பலனின்றி உயிரிழந்தார். போலீசார் இருவரிடமும் விசாரணை நடத்தி வந்த நிலையில் மூதாட்டி உயிரிழந்ததையடுத்து கைது செய்து சிறையில் அடைத்தார்கள். மேலும் கொள்ளை வழக்கிலிருந்து கொலை வழக்காக மாற்றம் செய்தார்கள். இச்சம்பவம் அப்பகுதியில் பரபரப்பை ஏற்படுத்தியிருக்கின்றது.