அனைவருக்கும் பயன்படும் சில குறிப்புகள்…
தினசரி ஒரு வெங்காயத்தை பச்சையாக உண்டு வந்தால் இரத்தம் சுத்தமாகும் இருமல் சளி நீங்கும்.
சுண்டைக்காயில் இரும்புச்சத்து அதிகமாக உள்ளது இந்தக்காய் ஆஸ்துமா ஜீரம் முதலியவற்றை நீக்கும்.
கர்ப்பிணிப் பெண்கள் தினமும் ஒரு வேளை கேழ்வரகில் செய்த உணவுப்பொருளை சாப்பிட வேண்டும். இதில் இரும்புச்சத்து கால்சியம் உள்ளது.
வேப்பம்பூவை ரசம் வைத்துச் சாப்பிட்டால் உடம்பில் உள்ள கிருமிகள் அழியும், பித்தம் குறையும்.
முருங்கைக் கீரையைச் சாப்பிட்டால் நீரழிவு நோய் கட்டுப்படும் கண்பார்வை தெளிவு பெறும்.
அதிக இருமல் ஏற்படும் போது ஒரு ஸ்பூன் தேன் சாப்பிட்டால் இருமல் குறையும்.
சாதாரண வாய்வுப் பிடிப்பிற்கு சுக்கையும் பனை வெல்லத்தையும் கலந்து சாப்பிட்டால் போதும்.
அடிக்கடி காபி டீ ஆகியவற்றை அளவுக்கு அதிகமாக குடிப்பதாலும், அடிக்கடி பட்டனி கிடப்பதாலும், சிகரெட் மது குடிப்பதாலும் குடற்புண் விரைவில் ஏற்படும்.
கூடுமான வரையில் தாளிப்பு இல்லாமல் உணவு உண்பதே நல்லது.
மைதா மாவினால் செய்த உணவுகளைக் குறைத்தாலும் அல்லது நீக்கினாலும் உடல் பருமன் குறையும்.
கருவேப்பிலை இஞ்சி சீரகம் மூன்றையும் சிறிதளவு எடுத்து ஒரு டம்ளர் தண்ணீர் ஊற்றி கொதிக்க வைத்துக் குடித்தால் அஜீரணம் சரியாகிவிடும்.
உடல் எடை குறைந்தவர்கள் வாழைப்பழம் தினமும் இரவில் உண்டு வந்தால் உடல் எடை கூடும்.