கடந்த மாதம் சமையல் எண்ணெய் 10 முதல் 15 ரூபாய் வரை விலை குறைப்பு செய்யப்பட்டிருந்தது. வரும் காலங்களிலும் இதன் விலை இன்னும் குறையும் என்று எதிர்பாக்கப்படுகிறது. அடுத்த ஒரு வாரத்திற்குள் தற்போது இருக்க கூடிய எண்ணெய் விலையில் இருந்து பெரிய அளவிலான விலை குறைப்பை ஏற்படுத்த வேண்டும் என்று உற்பத்தியாளர்களையும் , விற்பனையாளர்களையும் ஒன்றிய அரசு அறிவுறுத்தியுள்ளது.
இந்நிலையில் சமையல் எண்ணெய்களின் எம்ஆர்பி யில் உடனே 15 ரூபாய் குறைக்க எண்ணெய் நிறுவனங்களுக்கு உணவு மற்றும் பொது விநியோகத் துறை உத்தரவிட்டுள்ளது. சமையல் எண்ணெய்களின் மீதான ரூ.15 விலை குறைப்பு உடனே அமல்படுத்த வேண்டும். மேலும் விலை குறைப்பை உறுதிப்படுத்த வேண்டும் என்று சமையல் எண்ணெய் சங்கங்களுக்கு உணவு மற்றும் பொது விநியோகத் துறை ஆணையிட்டுள்ளது.