182 உறுப்பினர்கள் கொண்ட குஜராத் சட்டப்பேரவைக்கு இரண்டு கட்டங்களாக டிசம்பர் 1, 5இல் தேர்தல் நடைபெற்றது. 68 உறுப்பினர்கள் கொண்ட இமாச்சலப் பிரதேச சட்டப்பேரவை ஒரே கட்டமாக நவம்பர் 12ல் தேர்தல் நடைபெற்றது.குஜராத், இமாச்சலில் வாக்கு எண்ணிக்கை தொடங்கியது. பெரும் எதிர்பார்ப்பு இடையே குஜராத், இமாச்சல பிரதேசத்தின் வாக்கு எண்ணிக்கை தொடங்கியது.
இமாச்சலப் பிரதேசத்தில் ஆட்சியை தக்க வைக்க பாஜகவும், ஆட்சியைப் பிடிக்க காங்கிரசும் தீவிரம் காட்டுகின்றன.குஜராத்தில் 37 மையங்களில் வாக்கு எண்ணிக்கை நடைபெற்று வருகிறது.குஜராத் – இமாச்சலில் பாஜக, காங்கிரஸ், ஆம் ஆத்மி இடையே மும்முனைப் போட்டி நிலவுகின்றது.
பிற்பகலுக்குள் இரு மாநிலங்களிலும் யார் மீண்டும் ஆட்சியை கைப்பற்ற போகிறார் என்பது தெரியவரும். உபி, பீகார், ஒடிசா உள்ளிட்ட மாநிலத்தில் நடைபெற்ற இடைத்தேர்தல் வாக்கு எண்ணிக்கையும் தொடங்கியது. முலாய் சிங்கம் மறைவால் நடைபெற்ற மொய்பூரி மக்களவைத் தொகுதியில் வாக்குகள் எண்ணப்படுகின்றன.
தற்போதைய நிலவரப்படி, 145க்கும் மேற்பட்ட தொகுதிகளில் பாஜக தொடர்ந்து முன்னிலை வகித்து வருகிறது. 27 வருட ஆட்சியை தொடர்ந்து பாஜக மீண்டும் முன்னிலை வகித்து வருகிறது. இதனால் நாடு முழுவதும் 2 மாநிலங்களில் மட்டுமே ஆட்சியை தக்கவைத்திருக்கும் காங்கிரஸுக்கு குஜராத் வாக்கு எண்ணிக்கை பின்னடைவாகவே கருதப்படுகிறது. குஜராத் வெற்றியை தொட்டால் 2024 நாடாளுமன்ற தேர்தலிலும் பாஜக ஆட்சி அமைக்குமா எனும் கேள்வி எழுந்துள்ளது.