விஜயின் ‘தளபதி66’ படத்திற்கான கூட்டணி குறித்த தகவல் வெளியாகியுள்ளது.
தமிழ் சினிமாவில் முன்னணி நட்சத்திர நாயகனாக வலம் வரும் விஜய் தற்போது நெல்சன் திலீப் குமார் இயக்கத்தில் ‘தளபதி65’ திரைப்படத்தில் நடித்து வருகிறார். பிரபல தெலுங்கு நடிகை பூஜா ஹெக்டே கதாநாயகியாக நடித்து வரும் இப்படத்தின் முதற்கட்ட படப்பிடிப்பு வெற்றிகரமாக நடந்த முடிந்துள்ள நிலையில் அடுத்த கட்ட படப்பிடிப்பு ஊரடங்கு தளர்த்தப் பட்டதும் நடைபெற இருக்கிறது.
இந்நிலையில் விஜய் தனது ‘தளபதி66’ படத்திற்கான வேலைகளை தொடங்கியதாக பேசப்பட்டு வருகிறது. அதன்படி தளபதி66 திரைப்படத்தை ஏஜிஎஸ் நிறுவனம் தயாரிக்க இருப்பதாகவும் பிரபல இளம் இயக்குனர் அட்லி இயக்க இருப்பதாகவும் தகவல் வெளியாகியுள்ளது. இதுகுறித்த அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.