விஜய் டிவியில் ஒளிபரப்பாகும் “பிக் பாஸ் சீசன்-4” விரைவில் வெளியாகும் என தொலைக்காட்சி குழுவினர் தெரிவித்துள்ளனர்.
விஜய் தொலைக்காட்சியில் கமல்ஹாசன் தொகுத்து வழங்கும் பிக் பாஸ் சீசன் 4 விரைவில் தொடங்குவதற்காக சேனல் தரப்பில் முனைந்துள்ளனர். அதற்காக கமலஹாசனை வைத்து ப்ரோமோ சூட் செய்யும் ஐடியாக்களில் விஜய் டிவி குழுவினர் இறங்கியுள்ளனர். பிக்பாஸ் நிகழ்ச்சியை ஆண்டுதோறும் ஜூன், ஒளிபரப்பி வரும் விஜய் டிவி இந்த முறை கொரோனா வைரஸ் பாதிப்பினால் அந்த திட்டத்தை தள்ளி வைத்தது.
மேலும் கொரோனா வைரஸ் பாதிப்பு அதிகரித்து வருவதால் இந்த ஆண்டு நடத்தலாமா? வேண்டாமா? என்கின்ற யோசனையிலும் இருந்தது. இந்த நிலையில் வரும் செப்டம்பர் மாதம் பிக்பாஸ் நிகழ்ச்சிக்கான முதல் கட்ட வேலைகளை தொடங்க விஜய் டிவி நிர்வாகம் தயாராகி வருகிறது. அக்டோபர், நவம்பர், டிசம்பர் என மூன்று மாதங்களும் இதற்கான முழு வேலைகளையும் முடித்து ஒளி பரப்பையும் நிகழ்த்தி விட வேண்டும் என்று சேனல் தரப்பில் திட்டமிட்டுள்ளனர். இதற்கு கமலும்,’ கொரோனா லாக்டவுன் காலம் முடிந்து, குறிப்பிட்ட சில கட்டுப்பாடுகளுடன் அவசியம் நடத்தலாம்’ என்று பச்சைக் கொடி காட்டவே. விரைவில் அவரை வைத்து புரோமோ சூட் ஒன்றை நடத்தவும் தயாராகி உள்ளனர். எனவே இந்த ஆண்டும் வழக்கம் போல பிக்பாஸ் ரசிகர்கள் கொண்டாட்டத்திற்கு தயாராகலாம்.