ஜெர்மனியில் வெள்ளத்தால் பாதிக்கப்பட்ட நகரத்தை சுத்தம் செய்வது போல் நடித்த பெண் நிருபர் அதற்காக மன்னிப்பு கேட்டு தனது இன்ஸ்டாகிராம் பக்கத்தில் பதிவு வெளியிட்டுள்ளார்.
ஜெர்மனியில் RTL தொலைக்காட்சியில் பணிபுரிந்தவரும், Good Morning Germany, Good Evening RTL உள்ளிட்ட பிரபல நிகழ்ச்சிகளை தொகுத்து வழங்கி வந்தவருமான Susanna Ohlen (39) நிகழ்ச்சி ஒன்றை தொகுப்பதற்காக Bad Munstereifel என்ற நகரத்துக்கு தனது செய்தி குழுவுடன் சென்றுள்ளார். அங்கு RTL தொலைக்காட்சியில் ஒலி பரப்புவதற்காக ‘பெருவெள்ளத்துக்குப் பின் நகரை சுத்தமாக்கும் மக்கள்: கைகொடுத்த தொலைக்காட்சி நிருபர்’ என்ற தலைப்பில் நிகழ்ச்சி ஒன்றை தொகுத்துள்ளனர்.
அதில் Susanna அந்த கிராமத்தை சுத்தம் செய்வது போல் நடித்து தரையிலிருந்த சேற்றை எடுத்து தனது உடல் கை, கால்களில் பூசியது செய்தியாக தொகுக்கப்பட்டுள்ளது. அதனை அங்கிருந்த ஒருவர் அவர்களுக்கு தெரியாமல் தனது செல்போனில் வீடியோவாக பதிவு செய்துள்ளார். அதன்பிறகு சமூக ஊடகத்தில் அந்த வீடியோவை பதிவிட்டுள்ளார். அந்த வீடியோ சமூக வலைதளங்களில் வைரலாக பரவ ஆரம்பித்த உடன் RTL தொலைக்காட்சி Susanna-வை பணி நீக்கம் செய்துள்ளது.
இந்த நிலையில் தனது இன்ஸ்டாகிராம் பக்கத்தில் Susanna Ohlen “நான் ஏற்கனவே முந்தைய நாட்களில் தனிப்பட்ட முறையில் உதவி செய்தேன். மற்ற உதவி தொழிலாளர்களின் முன்னால் அன்று காலையில் கேமராவிற்கு முன் சுத்தமான உடலுடன் இருப்பதற்கு வெட்கப்பட்டு எனது ஆடைகளின் மீது சேற்றை பூசிக் கொண்டேன். ஒரு பத்திரிகையாளராக நான் இவ்வாறு நடந்திருக்ககூடாது” என்று பதிவிட்டு மன்னிப்பு கேட்டுள்ளார்.