இந்திய அணியின் கேப்டன் தோனியின் வெற்றி பாதைக்கு அடித்தளம் அமைத்துக் கொடுத்தவர் கங்குலி.
தோனி – கங்குலி இவர்களில் இந்திய அணியின் சிறந்த கேப்டன் யார்? என்ற விவாதத்தில் ஸ்மித், கம்பீர், ஸ்ரீகாந்த், சங்ககாரா ஆகியோர் ஸ்டார் ஸ்போர்ட்ஸ் நிகழ்ச்சியில் தங்கள் கருத்துகளை பகிர்ந்து கொண்டனர். இதில் சங்கக்காரா கூறியதாவது “தாதா கேப்டன்சியில் அணி கொஞ்சம் வளர்ந்த நிலையில் இருந்திருந்தால் கங்குலி நிறைய வெற்றிகளை பெற்று இருப்பார். ஆஸ்திரேலிய கிரிக்கெட் அணி உச்சத்தில் இருந்து அனைத்து அணிகளையும் தோற்கடித்து கொண்டிருந்த காலத்தில் ஆஸ்திரேலியாவை கங்குலி தலைமையில் இந்திய அணி அதிகம் வெற்றி பெற்றது.
ஒருவரை அளந்திட எத்தனை அளவுகோல்கள் வேண்டுமானாலும் பயன்படுத்தலாம். நம் காலத்திற்கு பிறகு நாம் சிலவற்றை விட்டுச் செல்லவேண்டும். அந்த வகையில்தான் தாதா கங்குலி ஒரு அருமையான மரபை விட்டு சென்றிருக்கிறார். மற்றவர்கள் அதை கடைபிடிக்க வேண்டியது தான். கங்குலி விட்டுச்சென்ற மரபிலிருந்து கேப்டனாக தோனி பயன் அடைந்துள்ளார். தோனி ஒரு தனித்துவமான வீரர் ஆவார். சிறந்த கேப்டன் நமது அணியை முன்னோக்கி கொண்டு சென்றவர். ஆனால் இவை அனைத்திற்கும் கங்குலி அடித்தளம் கொடுத்துள்ளார்” என்று சங்கக்கார குறிப்பிட்டுள்ளார்.