05-02-2020, தை 22, புதன்கிழமை,
இராகு காலம் மதியம் 12.00-1.30,
எம கண்டம் காலை 07.30-09.00,
குளிகன் பகல் 10.30 – 12.00,
சுப ஹோரைகள் காலை 06.00-07.00, காலை 09.00-10.00,
மதியம் 1.30-2.00, மாலை 04.00-05.00,
இரவு 07.00-09.00, 11.00-12.00
இன்றைய ராசி பலன்கள்
மேஷம்
இன்று பிள்ளைகளினால் தேவையற்ற செலவுகள் இருக்கும். சேமிப்பு குறைய வாய்ப்பு உள்ளது. வியாபாரத்தில் மந்த நிலை காணப்பட்டாலும் லாபம் பாதிப்படையாது. சொத்து சம்பந்தமான வழக்கில் வெற்றி நிச்சயம். உத்தியோகத்தில் சக பணியாளர்கள் உங்களுக்கு உதவியாக இருப்பார்கள். எதிலும் பொறுமை அவசியம்.
ரிஷபம்
இன்று உத்தியோகஸ்தர்களுக்கு உயர் அதிகாரிகளின் அன்பும் ஆதரவும் கிடைக்கும். வெளியூர் பயணங்களால் நல்ல பலன் கிடைக்கும். உத்யோகத்தில் பணிச்சுமை குறையும்.உடன்பிறந்தவர்கள் நற்செய்தியை கூறுவார்கள் அதனால் குடும்பத்தில் மகிழ்ச்சி அதிகரிக்கும். விலை உயர்ந்த பொருட்களை வாங்கி சேர்ப்பீர்கள்.
மிதுனம்
இன்று சிறிய தொகையினை செலவு செய்திட கூடும். திருமண முயற்சிகளில் தடை தாமதங்கள் போன்றவை ஏற்படும். தொழில் சம்பந்தமான புதிய முயற்சிகளில் தாமதத்திற்கு பிறகு நல்ல பலன் இருக்கும். மனைவி வழியில் உள்ள உறவினர்கள் மூலம் எதிர்பார்த்த உதவியும் ஒத்துழைப்பும் கிடைக்கும்.
கடகம்
இன்று உத்தியோகஸ்தர்களுக்கு மகிழ்ச்சி தரும் நிகழ்ச்சிகள் நடந்தேறும். பிள்ளைகள் படிப்பில் ஆர்வம் கொள்வார்கள். திருமண முயற்சிகளில் இருந்த தடை விலகும். வியாபாரத்தில் பங்குதாரர்களின் சேர்க்கையால் லாபம் பன்மடங்காகும். உறவினர்கள் மூலம் நல்ல பலன் கிட்டும்.
சிம்மம்
இல்லத்தில் சுபநிகழ்ச்சிகள் கைகூடிவரும். விலை உயர்ந்த பொருட்களை வாங்கி சேர்ப்பீர்கள். உங்கள் முயற்சிகளுக்கு உடன்பிறந்தவர்கள் துணை நிற்பார்கள். உத்தியோகஸ்தர்களுக்கு திறமைக்கேற்ற புதிய வாய்ப்புகள் இன்று கிடைக்கப் பெறுவார்கள். வியாபாரத்தில் பொறாமை போட்டி குறைந்து லாபம் அதிகரிக்கும்.
கன்னி
இன்று இல்லத்தில் பிரச்சனைகளால் அமைதியான சூழல் குறையும். பிள்ளைகளினால் மனவருத்தங்கள் ஏற்படும். உத்தியோகத்தில் சக பணியாளர்களை அனுசரித்துச் செல்வதால் நன்மை கிட்டும். பங்குதாரர்களின் ஒத்துழைப்பால் வியாபாரம் நல்ல முறையில் செல்லும். எதிர்பார்த்திருந்த லாபம் இன்று கிடைக்கும்.
துலாம்
இன்று விரைவில் முடியும் காரியம் தாமதப்படும். உறவினர் வழியில் மன வருத்தங்கள் ஏற்படும். உங்கள் ராசியில் மதியம் வரை சந்திராஷ்டமம் நிலைப்பதால் பொறுமையுடன் செயல்படுவது நன்று. உடல்நல பிரச்சனைகள் குறைந்து வரும்.
விருச்சிகம்
இன்று உடல்நலத்தில் சிறிய பாதிப்புகள் இருக்கும். மனநிம்மதி சற்று குறையும். இன்று மதியம் முதல் உங்கள் ராசியில் சந்திராஷ்டமம் நிலைப்பதால் அடுத்தவர்களின் பிரச்சினைகளில் நீங்கள் தலையிடாமல் இருப்பது சிறந்தது. வாகனங்களில் பயணிக்கும் பொழுது மிகவும் எச்சரிக்கையுடன் பயணம் செய்யவும்.
தனுசு
நீங்கள் புத்துணர்ச்சியுடனும் மகிழ்ச்சியுடனும் தென்படுவீர்கள். வியாபாரத்தில் வெளி நபர்கள் மூலம் நல்ல பலன்கள் கிடைக்கும். எதிர்பார்த்திருந்த இடத்திலிருந்து எதிர்பார்த்த உதவிகள் கிடைக்கப்பெறுவீர்கள். இல்லத்தில் மகிழ்ச்சியான சூழல் நிலவும். சுபகாரிய முயற்சிகள் முன்னேற்றம் காணப்படும்.
மகரம்
இன்று இல்லத்தில் திடீர் செலவுகள் இருக்கும். பிள்ளைகளினால் தேவையில்லாத பிரச்சினைகள் ஏற்படும். உத்தியோகத்தில் உயர் அதிகாரிகளால் நெருக்கடிகள் இருக்க பெற்றாலும் சக பணியாளர்களின் ஆதரவு இருக்கும். வியாபாரத்தில் இருந்த குழப்பங்கள் குறையும்.
கும்பம்
இன்று உறவினர் மூலம் மனகசப்பு ஏற்பட வாய்ப்பு உள்ளது. தொழிலில் பொருளாதாரம் தொடர்பாக சிறிய இழப்புகள் ஏற்படும். திறமைக்கேற்ப பதவி உயர்வு கிடைக்கும். சொத்து தொடர்பான வழக்குகளில் வெற்றி வாய்ப்புகள் ஏற்படும்.
மீனம்
இன்று அனைத்து செயல்களிலும் உற்சாகத்துடன் செயல்படுவீர்கள். புதிய பொருட்களை வாங்கி சேர்ப்பீர்கள். கணவன் மனைவியிடையே இருந்து வந்த கருத்து வேற்றுமை அகலும். தொழில் தொடர்பான பொருளாதார நிலை உயர்ந்து இருக்கும்.