தமிழ் சினிமாவில் நடிகர், தயாரிப்பாளர், விநியோகஸ்தர் என பன்முகத் திறமைகளை கொண்டவர் உதயநிதி ஸ்டாலின். இவர் மகிழ் திருமேனி இயக்கத்தில் தற்போது கலகத் தலைவன் என்ற திரைப்படத்தில் நடித்துள்ளார். இந்த படத்தில் நிதி அகர்வால் ஹீரோயினாக நடித்துள்ளார். இப்படம் நவம்பர் 18-ஆம் தேதி உலகெங்கிலும் ரிலீஸ் ஆகிறது. இந்த படத்தை ரெட் ஜெயன்ட் மூவிஸ் நிறுவனம் விநியோகம் செய்கிறது.
இந்நிலையில் கலகத்தலைவன் திரைப்படத்தை படக்குழுவினருடன் இணைந்து நேற்று முன்தினம் முதல்வர் ஸ்டாலின் தனியார் திரையரங்கில் பார்த்துள்ளார். இந்த படத்தை பார்த்து விட்டு வெளியே வந்த முதல்வர் ஸ்டாலின் நடிகர் உதயநிதி மற்றும் இயக்குனர் மகிழ் திருமேனி உட்பட படக்குழுவினருக்கு வாழ்த்து தெரிவித்தார்.
அதோடு சமூக அக்கறையுடன் படத்தை எடுத்திருப்பதாகவும் முதல்வர் கூறினார். மேலும் லவ் டுடே படத்தை தொடர்ந்து முதல்வர் ஸ்டாலின் தன்னுடைய மனைவி துர்கா ஸ்டாலினுடன் சேர்ந்து கலகத்தலைவன் திரைப்படத்தை பார்த்துள்ளார் என்பது குறிப்பிடத்தக்கதாகும்.