நடிகர் அஜித் தமிழ் சினிமாவில் பிரபல முன்னணி நடிகராக வலம் வருகிறார். இயக்குனர் வினோத் இயக்கத்தில் இவர் நடிப்பில் சமீபத்தில் வெளியான திரைப்படம் ‘வலிமை’. போனி கபூர் தயாரித்த இந்த திரைப்படம் ரசிகர்கள் மத்தியில் நல்ல வரவேற்ப்பை பெற்றது. இதனையடுத்து இவர் மீண்டும் இயக்குனர் வினோத் இயக்கத்தில் ”AK 61” படத்தில் நடிக்கிறார். அஜித் நடித்துவரும் AK 61 படத்திற்கு “துணிவே துணை” என பெயரிடப்பட்டுள்ளதாக தகவல் வெளியாகியுள்ளது.
படத்தின் இறுதிக்கட்ட படப்பிடிப்பு பாங்காங்கில் விரைவில் தொடங்கவுள்ளது. அஜித் தற்போது பைக் ரைடு முடிந்து படப்பிடிப்பில் பங்கேற்கவுள்ளார். இந்நிலையில், அப்டேட் கேட்டு வரும் ரசிகர்களுக்கு “துணிவே துணை” என்ற படத்தின் தலைப்பு உற்சாகத்தை ஏற்படுத்தியுள்ளது. விரைவில் அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.