யூரோ கோப்பை கால்பந்து : முதன்முறையாக தொடக்க ஆட்டத்தில்…. இங்கிலாந்து அணி வெற்றி…!!!

யூரோ கோப்பை கால்பந்து தொடரில் இங்கிலாந்து அணி முதல் முறையாக தன் தொடக்க ஆட்டத்தில் வெற்றி பெற்றுள்ளது.

யூரோ கோப்பை கால்பந்து தொடரில் 24 நாடுகளைச் சேர்ந்த அணிகள் 6  பிரிவுகளாக பிரிக்கப்பட்டுள்ளன. இதில் நேற்று நடந்த போட்டியில் ‘ டி ‘ பிரிவில் உள்ள இங்கிலாந்து – குரோசியா அணிகள்  மோதிக்கொண்டன. முதல் பாதி ஆட்டத்தில் இரு அணிகளும் கோல் அடிக்கவில்லை. அதன் பின் 2 வது பாதி ஆட்டத்தில் இங்கிலாந்து அணி வீரர்   ரஹீம் ஸ்டெர்லிங், 57 வது நிமிடத்தில் முதல் கோலை அடித்தார்.

ஆனால் குரோசியா அணியால் பதில் கோல் அடிக்க முடியாமல் தடுமாறியது. இதனால் இங்கிலாந்து அணி 1-0 என்ற கோல் கணக்கில் வெற்றி பெற்றது.  இதன் மூலம் யூரோ கோப்பை கால்பந்து தொடர் வரலாற்றில் இங்கிலாந்து அணி தனது தொடக்க ஆட்டத்தில்  ஒருமுறை கூட வெற்றி பெற்றதே கிடையாது. ஆனால் தற்போது அந்த மோசமான சாதனைக்கு முற்றுப்புள்ளி வைத்துள்ளது.