அமிதாபச்சன் மனைவி இரவு தனது வீட்டருகே நடந்த சம்பவத்தினால் கோபம் கொண்டு காவல்துறையினருக்கு புகார் கொடுத்துள்ளார்.
மும்பையில் ஜிகு பகுதியில் இருக்கும் ஜல்சா பங்களாவில் பாலிவுட் நடிகரான அமிதாப் பச்சன் குடும்பத்தினர் வசித்து வருகிறார்கள். சில தினங்களுக்கு முன், இரவு சுமார் 11:30 மணியளவில் இந்த பங்களாவிற்கு அருகே அதிக இரைச்சலுடன் பைக்குகள் அங்குமிங்குமாக சுற்றிக் கொண்டிருந்ததாக கூறப்படுகிறது. பைக் இரைச்சல்கள் காதை அடைந்ததால் எரிச்சலடைந்த அமிதாப் பச்சனின் மனைவியான ஜெயா பச்சன் காவல் கட்டுப்பாட்டு அறைக்கு தொலைபேசி மூலம் புகார் கொடுத்தார்.
இதைத்தொடர்ந்து காவல் கட்டுப்பாட்டு அறையிலிருந்து ஜிகு காவல் நிலையத்திற்கு தகவல் கொடுக்கப்பட்டது. ஆனால், போலீசார் சம்பவ இடத்திற்கு சென்றபோது வாகன ஓட்டிகள் அங்கு இல்லை. இருப்பினும் அப்பகுதியில் இருந்த சிசிடிவி கேமராக்களின் உதவியினால் பைக்கின் பதிவு எண்ணை கண்டுபிடித்து அதன் அடிப்படையில் அந்த பைக்கை ஓட்டி வந்தவரை தேடி வருவதாக காவல்துறையினர் தெரிவித்துள்ளனர். மேலும் ஒரு சில இளைஞர்கள் அப்பகுதியில் இரவு நேரத்தில் காலியான தெருக்களை பயன்படுத்தி பைக் ரேஸில் ஈடுபட்டு வருவதாக காவல்துறையினர் தெரிவித்துள்ளனர்.