நெய்வேலி என்எல்சி சுரங்கத்தில் படப்பிடிப்பு நடத்துவதற்கு அனுமதி கொடுத்தது மிகவும் தவறான விஷயம் என எச் ராஜா தெரிவித்துள்ளார்
இளையதளபதி விஜய் நடித்து வரும் மாஸ்டர் திரைப்படம் நெய்வேலியில் உள்ள என்எல்சி சுரங்கத்தில் கடந்த சில தினங்களாக நடந்து வருகிறது. அத்திரைப்படத்தின் படப்பிடிப்புக்கு பாரதிய ஜனதா கட்சியினர் எதிர்ப்பு தெரிவித்து போராட்டம் நடத்தியுள்ளனர். போராட்டத்திற்கு மிகவும் எதிர்ப்புகள் எழுந்துள்ளது.
இந்நிலையில் எச் ராஜா நிருபர்களிடம் தெரிவித்ததாவது, நெய்வேலியில் உள்ள என்எல்சி சுரங்கம் பாதுகாப்புக்கு உட்பட்ட பகுதி. அவ்விடத்தில் அதிகமான விபத்துக்கள் நடைபெற்றதால் படப்பிடிப்புகளுக்கு அங்கு அனுமதி கொடுப்பது இல்லை. இம்முறை படப்பிடிப்புக்கு அனுமதி கொடுத்தது தவறான விஷயம். அந்தத் தவறைக் கண்டித்தே பாஜகவினர் போராட்டத்தில் ஈடுபட்டுள்ளனர்.
தனி ஒரு நபருக்கோ அல்லது திரைப்படத்திற்காகவோ போராட்டம் நடைபெறவில்லை, நாங்கள் எதிர்க்கவும் இல்லை. மாஸ்டர் திரைப்படத்திற்கு விளம்பரம் செய்ய நான் தயாராக இல்லை என அவர் கூறியுள்ளார்.