பிரபல நடிகர் விஷ்ணு விஷால் தனது திருமணம் குறித்த தகவலை கூறியுள்ளார்.
தமிழ் சினிமாவில் வெளியான வெண்ணிலா கபடி குழு படத்தின் மூலம் கதாநாயகனாக அறிமுகமானவர் நடிகர் விஷ்ணு விஷால்.இதை தொடர்ந்து முண்டாசு பட்டினம், ராட்சசன் உள்ளிட்ட படங்களில் நடித்து ரசிகர்களின் மத்தியில் தனக்கென ஒரு இடம் பிடித்துள்ளார். இவர் கடந்த சில வருடங்களுக்கு முன்பு நடிகர் நடராஜனின் மகளை திருமணம் செய்து கொண்டார்.
ஆனால் தற்போது அவர்கள் விவாகரத்து செய்து பிரிந்து வாழ்கின்றனர். அதன்பின் நடிகர் விஷ்ணு விஷால் பிரபல பேட்மிண்டன் வீராங்கனையான ஜுவாலா கட்டாவை காதலித்து வந்தார். கடந்த ஆண்டு இவர்கள் இருவருக்கும் நிச்சயதார்த்தம் நடைபெற்றது. இந்நிலையில் விஷ்ணு விஷால் அவரது திருமணம் எப்போது என்ற தகவலை தெரிவித்துள்ளார்.
இதுகுறித்து அவர் கூறும்போது, “வாழ்க்கை எப்போதும் ஒரே மாதிரி இருக்கும் என்று எதிர்பார்க்கக்கூடாது. வாழ்க்கை என்றால் ஏற்றத்தாழ்வுகள் கண்டிப்பாக இருக்கும். சோதனைகளைத் தாண்டி தான் ஆக வேண்டும். வாழ்க்கைப் பாசிட்டிவாகவே இருக்கும் என்று எதிர்பார்க்க கூடாது.
இதுதான் என் வாழ்க்கையில் நடந்து கொண்டிருக்கிறது. மேலும் ஜுவாலா கட்டாவிற்கும் எனக்கும் நிச்சயதார்த்தம் முடிந்து உள்ளது. கூடிய விரைவில் நாங்கள் திருமணம் செய்து கொள்ள போகிறோம்” என்று கூறியுள்ளார்.