அஜித்தின் புதிய திரைப்படத்திற்கு இசையமைப்பாளர் குறித்த தகவல் வெளியாகியுள்ளது.
தமிழ் திரையுலகில் பிரபல முன்னணி நடிகராக வலம் வருபவர் அஜித். இயக்குனர் வினோத் இயக்கத்தில் இவர் நடிப்பில் தற்போது உருவாகியிருக்கும் திரைப்படம் ”வலிமை”. போனி கபூர் தயாரித்துள்ள இந்த திரைப்படம் பொங்கலுக்கு ரிலீஸாக இருந்த நிலையில் தற்போது இந்த ரிலீஸ் ஒத்தி வைக்கப்பட்டிருக்கிறது.
சமீபத்தில் இந்த படத்தின் டிரைலர் மற்றும் மேக்கிங் வீடியோ வெளியாகி ரசிகர்களிடையே நல்ல வரவேற்பை பெற்றது. இதனையடுத்து, அஜித் நடிக்கும் அடுத்த படத்தை இயக்குனர் வினோத் இயக்க இருக்கிறார். இந்நிலையில், இந்த திரைப்படத்திற்கு இசையமைப்பாளர் குறித்த தகவல் வெளியாகியுள்ளது. அதன்படி இந்த படத்தில் அனிருத் இசையமைக்க இருப்பதாக தகவல் வெளியான நிலையில் தற்போது இந்த படத்திற்கு ஜிப்ரான் இசையமைக்க இருப்பதாக கூறப்படுகிறது. விரைவில் இது குறித்த அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.