கடும் விமர்சனங்களுக்கு மத்தியில் நேற்றைய போட்டியில் சிஎஸ்கே அணியின் தொடக்க வீரராக களமிறங்கிய ருதுராஜ் சிறப்பாக ஆடினார் .
நேற்று நடந்த போட்டியில் சென்னை சூப்பர் கிங்ஸ் -கொல்கத்தா நைட் ரைடர்ஸ் அணிகள் மோதிக்கொண்டன . இதில் டாஸ் வென்ற கொல்கத்தா அணி பீல்டிங்கை தேர்ந்தெடுத்தால், சிஎஸ்கே பேட்டிங்கில் களமிறங்கியது. தொடக்க வீரர்களாக ருதுராஜ்- டுப்ளசிஸ் களமிறங்கினர். ஆனால் இந்த சீசனில் இதற்குமுன் நடைபெற்ற போட்டிகளில், ருதுராஜ் மோசமான ஆட்டத்தை வெளிப்படுத்தி இருந்தார். இதனால் சிஎஸ்கே ரசிகர்கள் மத்தியில் கடும் விமர்சனத்திற்கு உள்ளானார்.
எனவே தொடக்க வீரராக ருதுராஜை இறக்க வேண்டாம் ,என்று ரசிகர்கள் கருத்து தெரிவித்து வந்தன. ஆனால் சிஎஸ்கே நிர்வாகம் மற்றும் கேப்டன் தோனி , ருதுராஜ் மீது நம்பிக்கை வைத்து, தொடர்ந்து வாய்ப்பு கொடுத்து வந்தனர். தொடர்ந்து போட்டிகளில் சொதப்பி வந்த ருதுராஜ், நேற்றைய போட்டியில் அதிரடி காட்டினார். இதில் ருதுராஜ் 64 ரன்களை குவித்தார். எனவே நேற்றைய போட்டியின் மூலமாக , சிஎஸ்கே நிர்வாகம் மற்றும் கேப்டன் தோனியின் நம்பிக்கையை ருதுராஜ் காப்பாற்றியுள்ளார் . அதோடு சிஎஸ்கே ரசிகர்களிடமும் நல்ல மதிப்பை பெற்றுள்ளார்.